Dünən Reportyorların Azadlıq və Təhlükəsizlik İnstitutunun (RATİ) mətbuat mərkəzində “Gənclər Klubu” İctimai Birliyi USAİD-in ölkə üzrə direktoru, Scott Taylorun səlahiyyət müddətinin bitməsi və onun fəaliyyətinin gənclər tərəfindən qiymətləndirilməsi ilə əlaqədar tədbir keçirilib.
Tədbirdə Azərbaycanda fəaliyyət göstərən gənclər təşkilatlarının rəhbərləri iştirak ediblər. S. Taylor tədbirdə “Gənclərin dostu” diplomu ilə təltif olunub. Scott Taylor çıxışında məmnunluğunu gizlətməyib: “Mən çox şadam ki, Azərbaycanı belə bir diplomla tərk edirəm. Bu vaxta kimi mənə çox mükafat veriblər. Amma ən maraqlı mükafat bu oldu. Bu diplomu ömrümün sonuna qədər böyük həvəslə saxlayacağam”.

Osman Can: “Obamanın dolayısı ilə prezidentlik səlahiyyətinin ləğvi qanunla mümkündür”

Türkiyə Konstitusiya Məhkəməsinin hakimlərindən biri Osman Can maraqlı bir açıqlama verib. Konstitusiya məhkəməsinin verə biləcəyi qərarlar barədə danışan Can 24 apreldə Barak Obamanın “soyqırım” deyib deməyəcəyi məsələsinin qanuni tərəflərini aydınlaşdırıb.

Osman Can deyib ki, qarşıdan 24 aprel gəlir. “Obama “soyqırım” sözünü dedi və qəbul etdi. Nə olacaq? Türkiyə Konstitusiya Məhkəməsi hərəkətə keçdi və Obamanın prezident səlahiyyətlərini əlindən aldı. Ola bilərmi? “Olmaz” deyirsiniz. Amma bir şüy deyim. Konstitusiyada bunu qadağan edən maddə yoxdur. Amma Obamanın dolayısı ilə prezidentlik səlahiyyətinin ləğvi qanunla mümkündür”.