blogger - Vusal / Müsbət mənada fərqlənək
İnsan bəzən, geyimində davranışında, istərsə də düşüncələrində fərqli olmağa can atır. Bu yolla başqalarından seçilmək, ya da diqqət mərkəzində olmaq istəyir. Lakin Doğrudur, ilk baxışda fərqli olmaq insana xoş təəssürat bağışlayır. Bununla özümüzü başqalarından fərqli görməyə çalışır, ya da daim diqqət mərkəzində olmaq istəyirik. Amma daha sonra insan özünün belə qeyri-normal davranışından və ya düşüncəsindən bezməyə başlayır. Çünki ətraf mühitə uzlaşmaqda problem yaranır — başqalarının sənə verdiyi məsləhətlər səni boğmağa başlayır, səni heç kəs anlamır. Düşünürsən ki, sən onlardan çox şey bilirsən, hamı sənin düşüncələrini qəbul etməlidir, ya da “mənə nəsə olub”, ”niyə əvvəlki kimi olmadım, özümdə dəyişiklik etdim?”deyə bütün günü düşünməyə məcbur olursan. Bəs niyə əvvəl xoşluqla qəbul edib, sonra özümüzdəki dəyişiklikdən bezirik? Buna ehtiyacımız vardı? Bəli, əvvəl bütün dəyişikliyi xoşluqla qəbul etdik, amma sonra problemlər yaşadıq. Axı, insanlar bilməlidir ki, xasiyyət anadangəlmədir və özümüzdən asılı deyildir. Buna düzəliş etmək və ya dəyişmək çox çətindir. Doğrudur, hərdən dəyişilmək istəyirik, amma yenə də çətin olduğunu anlamalıyıq. Belə bir maraqlı məsəl də vardır ki, insan göydə olarkən nə xəyallar qurur, nə düşüncələr yaradır, yerə endikdə isə ətraf ona düşüncələrinin, xəyallarının nə qədər yanlış olduğunu başa salır. Hətta “göydə necə də ağılsız olmuşam”deyə düşünürsən. Yerdə isə ətraf aləmlə uzlaşmağa calışırsan. Sən onlara yalnız güclü iradən və səbrinlə qalib gələ bilərsən .Əgər güclü iradəyə malik deyilsənsə, o zaman ətrafdakı müsbətlərlə bahəm mənfilikləri də qəbul etmək məcburiyyətində qalarsan…
Bəzən düşüncələrimizə görə ya dostumuz olmaz, ya da dost- tanışın olar, amma sənə kifayət etməz. Yəni, sənin düşüncələrini anlayan, səni başa düşən bir insan tapmaq çətin olar. İnsanlar ətrafa uyğunlaşma dərəcəsinə görə bir-birilərindən fərqlənirlər. Bəziləri qapalı mühiti sevər, yalnız qalmağa çalışar, bəziləri mühitlə yaxşı dil tapıb ünsiyyətcil olar, bəziləri yeni mühitə gec alışar, bəziləri tez və s. Nümunələr çoxdur. Lakin yaxşı dost olub da yaxşı dostun olması üçün çalışaq ki, bir az ekstravert olaq. Yəni, ünsiyyətcil olmaqla başqa insanlarla yaxşı ünsiyyət qurmaq, onlarla düşüncələrini paylaşmaq, ürəyiaçıq olmaqla ətrafdakıların sevgisini qazanmaq və onlara maraq göstərmək xüsusiyyətinə malik olmaq lazımdır. Heç vaxt indifferent yəni, laqeyd mövqedə dayanmamalıyıq. Ətrafla maraqlanıb, yaxşını, pisi ayırd edib, özümüzlə müqayisə etməliyik. Əgər fərqli olmaq istəsək, o zaman müsbət mənada fərqli olaq. İnsan edəcəyi hər bir işini məqsədli şəkildə qurmalıdır. Müsbət mənada fərqli olaq, kimlərdənsə seçilmək və ya diqqət mərkəzində olmaq üçün fərqlənməyək.
- 0
- 11 мая 2010, 09:17
- 2
Şərhlər (2)
RSS yığmaq / açmaqAncaq qeydiyyatdan keçən və sistemə daxil istifadəçilər şərh yaza bilərlər.